Posted on November 15, 2009 by ahlinyanant
ဘိုဘိုလန်းစင်
(၁)
တရုတ်ပြည်သူ့သမ္မတနိုင်ငံ တနည်း တရုတ်နီဟုလည်းသိကြသော နိုင်ငံထူထောင် သည်မှာ အနှစ်၆ဝရှိပီ ဆိုသော်ငြား မြန်မာပြည်တွင်ကား ဤ ၆ဝပြည့်ပွဲကို စိတ်ဝင်တစား ဝမ်းပါးမည့်သူ အလွန်ရှားပါး ပါလိမ့်မည်။ အိုဘားမား နန်းတက်ပွဲပရိသတ်နှင့် လားလားမှ မဆိုင်ဘဲ ဘဝချင်းမတူတော့သည့် တရုတ်ပြည်ကို စီးပွားရေးနယ်ချဲ့တမျိုးဟု မြင်သူသာ များပါ ၏။ ဆွေမျိုးပေါက်ဖော်ဟု မည်သို့ပင် ဆိုစေကာမူ စင်စစ် ခေတ်သစ်တရုတ်-မြန်မာဆက်ဆံရေးမှာ ဝါဒချင်း ပြိုင်ရုံသာမကကြီးနိုင်ငယ်ညှဉ်း လက္ခဏာဆောင်သည့်ကာလများလည်း မကင်းခဲ့။ ပမာဆောင်ရလျှင် မြို့သားလူလည်က တောသားကို အညွန့်ခူးစားသည့်ပမာတည်း။
ထိုတိုင်းပြည်နှင့်ပတ်သက်၍ ခေတ်အဆက်ဆက် မြန်မာပညာတတ်လူတန်းစား၏ ထင်မြင်ချက် ပြောင်းလဲလာပုံကိုလည်း ပြန်ပြောင်းမြင်ယောင်မိပါ၏။ တရုတ်နီဟုမဖြစ်ခင် အနှစ် လေးဆယ်လောက်ကပင် သူရိယစသည့် ခေတ်သစ်သတင်းစာများ ကျေးဇူးဖြင့် မန်ချူးပဒေ သရာဇ်ကို တော်လှန်ပီး တရုတ်သမ္မတနိုင်ငံ(ကိုမင်တန်)ဟူ၍ ဆွန်ယက်ဆင်က တိုင်းသစ် ပြည်သစ် ထူထောင်ပုံကို သိခဲ့ကြလေပီ။ စစ်မင်းများ ဗိုလ်လုနေကြသဖြင့် ချိနဲ့နေသော ထိုနိုင်ငံ သစ်ကို ဖက်ဆစ်ဂျပန်ကျူးကျော်ခြင်းမှတဆင့် စစ်ကူအဖြစ် အင်္ဂလိပ်က တရုတ်-ဗမာလမ်းမ ကြီး ဖောက်လေရာမှ မြန်မာပြည်နှင့် ပို၍ ဆက်ယှက်လာတော့သည်။ ထိုချိန်တွင် နဂါးနီစာအုပ် အသင်းက ဆွန်ယက်ဆင်၏ သဘောတရားများကို မြန်မာလို ပြန်ဆိုထားပီး အမေရိကန် သတင်းစာဆရာ အဂ္ဂါစနိုး၏ တရုတ်ပြည်ပေါ်မှကြယ်နီ စာအုပ်ကလည်း လက်ဝဲဝါဒ စိတ်ဝင် စားသော တို့ဗမာသခင် ကျောင်းသားများအကြား ‘ပေါက်’ လှသည်။
Read more »
Filed under: ဂျာနယ်, အမှတ် (၄) | Leave a Comment »
Posted on November 15, 2009 by ahlinyanant
ရဲမြင့်ကျော်
ပေကျင်းမြို့ တီယန်မင်ရင်ပြင် အစုလိုက်အပြုံလိုက် လူသတ်ပွဲဟာ ၂ဝဝ၉ ဇွန်လ (၃)ရက်၊ (၄)ရက်မှာ အနှစ် နှစ်ဆယ်တင်းတင်း ပြည့်ခဲ့ပါပြီ။ ၁၉၇၄ ခုနှစ် ပေါ်တူဂီရဲ့ အပြောင်းအလဲကစလို့ တကမ္ဘာလုံးမှာ ဒီမိုကရေစီအရေးတွေ လှုပ်လှုပ်ရွရွဖြစ်လာပြီး တောင်အမေရိက၊ အရှေ့ဥရောပနိုင်ငံတွေကို ကူးစက်သွားပါတယ်။ မြန်မာနိုင်ငံမှာ ရှစ်လေးလုံးအရေးတော်ပုံဖြစ်ပြီး နောက်နှစ်မှာ တီယန်မင်အရေးအခင်းဖြစ်ခဲ့ပါတယ်။ နောက်ပိုင်း ဘာလင်တံတိုင်းပြို၊ ဆိုဗီယက်ပြည်ထောင်စု ကမ္ဘာ့မြေပုံပေါ်မှ ပျောက်ကွယ်မှုနဲ့ စစ်အေးခေတ်အဆုံးသတ်သွားပြီး ကမ္ဘာ့အခင်းအကျင်းတွေ ပြောင်းလဲသွားပါတယ်။
တရုတ်ရဲ့ လက်ရှိအနေအထားက ရင်တထိတ်ထိတ်နဲ့ပါ။ ပြည်နယ်တွေမှာ ဆန္ဒပြမှု တွေဖြစ်နေတယ်။ အနှစ်(၂ဝ)ပြည့်အတွက် အထိမ်းအမှတ်ပွဲတွေ မလုပ်နိုင်အောင် တီယန်မင် ရင်ပြင်အပြည့် လုံခြုံရေးအစောင့်အကြပ်တွေ ချထားခဲ့တယ်။ နိုင်ငံခြားဧည့်သည်တွေကို ဝင်ပေါက် တွေမှာ အသေချာ ရှာဖွေစစ်ဆေးတယ်။ သတင်းထောက်တွေ မောင်းထုတ်၊ အင်တာနက်တွေကို ပိတ်ဆို့။ ၁၉၈၉ ခုနှစ်မှာ ဒီမိုကရေစီလိုလားသူတွေကို တရုတ်စစ်တပ်က ရက်ရက်စက်စက် သွေးစွန်းစေခဲ့တဲ့ ဖြစ်ရပ်အပေါ် ကွန်မြူနစ်ပါတီကိုယ်တိုင်က ထိတ်လန့်ခြောက်ခြားနေတုန်းပါပဲ။
ဆယ်စုနှစ်နှစ်ခုကျော် တိုင်းပြည်စီးပွားရေး အံ့ဘနန်း တိုးတက်ခဲ့ပေမယ့် တရုတ် အာဏာပိုင်တွေ သူ့လူထုကို အမြဲကြောက်လန့်နေတုန်းပါ။ ဇွန်လ နှစ်ပတ်လည် မရောက်ခင် ကတည်းက တီယန်မင်အရေးခင်းမှာ ပါဝင်ခဲ့သူတွေရဲ့ မိသားစုတွေ၊ သေဆုံးခဲ့သူတွေရဲ့ မိခင်တွေ၊ လူ့အခွင့်အရေးလှုပ်ရှားသူတွေကို ဖမ်းဆီးထိန်းသိမ်းတယ်။ ပြည်နယ်ဒေသအသီးသီးက မြေယာ၊ လယ်ယာ၊ အလုပ်သမား၊ အိုးအိမ်ရပိုင်ခွင့် တောင်းဆိုသူတွေ ရှေ့နေတွေကို ဖမ်းဆီး ထောင်ချတယ်။
Read more »
Filed under: ဂျာနယ်, အမှတ် (၄) | Leave a Comment »
Posted on November 15, 2009 by ahlinyanant
ဝင့်ထန်း
တရုတ်ပြည်ဖခင်ကြီး မော်စီတုန်းရဲ့ နောက်ဆုံးနှစ်နှစ်တာကာလမှာ သူ့ကို အသေ မဖြောင့်အောင် ဒုက္ခပေးတဲ့ ပါတီတွင်း အုပ်စုတွေ ရှိခဲ့ပါတယ်။ မော်ရဲ့ပေါ်လစီတွေကို ဆန့်ကျင် အံတုနေတဲ့ တိန့်ရှောင်ပင်းကို ဗဟိုပြုထားတဲ့ အင်အားစု ပေါ်ထွက်လာပါတယ်။ တိန့်ဟာ မော် ကွယ်လွန်ပြီးနောက်မှာ မော်ရဲ့ လမ်းစဉ်အမွေ အမှားစုကို ရိုက်ချိုးချေမွပစ်သူပါ။
မော်က ၁၉၆၆ ခုနှစ် ယဉ်ကျေးမှုတော်လှန်ရေးအစပိုင်းမှာ တိန့်ကို ပါတီကနေ ထုတ် ပစ်ခဲ့ပါတယ်။ ဒါပေမယ့် ၁၉၇၃ ခုနှစ်မှာ တိန့်ကို ပါတီထိပ်ပိုင်းနေရာဆီ ပြန်ဆွဲခေါ်ခဲ့ပါတယ်။
တိန့်ရှောင်ပင်းကို ၁၉ဝ၄ ခုနှစ်မှာ စီချွမ်ပြည်နယ်မှာ မွေးဖွားပြီး၊ မော်ထက် ဆယ့်တစ် နှစ် ငယ်ပါတယ်။ ၁၆ နှစ်သား အရွယ် ၁၉၂ဝ ခုနှစ်မှာ အလုပ်တပိုင်း၊ ပညာတပိုင်း အစီအစဉ်နဲ့ ပြင်သစ်ကို သွားခဲ့ပါတယ်။ ပြင်သစ်ရောက်တော့ ချူအင်လိုင်း လက်အောက်မှာ အလုပ်လုပ်ရင်း ကွန်မြူနစ် ဖြစ်ခဲ့ပါတယ်။
ပြင်သစ်မှာနေတဲ့ ငါးနှစ်တာကာလက သူ့ဘဝတလျှောက်လုံး ပြင်သစ်ဆန်တဲ့အရာ တော်တော်များများကို ခုံမင်စွဲလမ်းခဲ့ပါတယ်။ ဝိုင်၊ ချိစ်၊ ပြင်သစ်နံနက်စာ ပေါင်မုန့်၊ ကော်ဖီ၊ ကဖေးဆိုင်နဲ့ ရေမွှေးနံ့တို့ပါပဲ။ တိန့်က သူရဲ့ဘဝ နောက်ဆုံးနေ့ရက်တွေမှာ စီချွမ်ပြည်နယ် သူ့အိမ်နားက လ္ဘက်ရည်ဆိုင်တွေကို ပြင်သစ်က ကဖေးဆိုင်တွေနဲ့ နှိုင်းယှဉ်ပြောရင်း ပဲရစ်မှာ သူကြိမ်ဖန်များစွာ ထိုင်ခဲ့ဖူးတဲ့ ကဖေးဆိုင်လေးကို လွမ်းတသသ ဖြစ်နေပါသေးတယ်။ ပြင်သစ်မှာ သူနဲ့အတူနေခဲ့တဲ့ တရုတ်ရဲဘော်တစ်ယောက်က တိန့်အကြောင်း ပြန်ပြောပြဖူးပါတယ်။ အရပ် ငါးပေ၊ ပုတလက်၊ လုံးလုံးဝိုင်းဝိုင်း၊ အရွှတ်အနောက်တွေနဲ့ ပြည့်လို့။ နောက်တော့ ပိုးတုံးလုံးဘဝ ကနေ အင်းဆက်ပိုးကောင်ကြီး ဖြစ်လာပါတယ်တဲ့။ တိန့်ရဲ့ ပါတီဘဝဆယ်စုနှစ်များက စာဖတ် အားကောင်း၊ တွေးအားကောင်းနဲ့ အလုပ်ပြတ်ပြတ်သားသားလုပ်ရဲသူ ဖြစ်စေခဲ့ပါတယ်။
Read more »
Filed under: ဂျာနယ်, အမှတ် (၄) | Leave a Comment »
Posted on November 15, 2009 by ahlinyanant
မော်စီ
၂ဝဝ၉ ခုနှစ် သြဂုတ်လ ရွေးကောက်ပွဲမှာ ဂျပန်ဒီမိုကရက်တစ်ပါတီ (DPJ) က အပြတ်အသတ် အောင်ပွဲရခဲ့ခြင်းဟာ တိုင်းပြည်ရဲ့ ရွေးကောက်ခံနိုင်ငံရေးသမိုင်းမှာ အလှည့် အပြောင်းတစ်ရပ် ဖြစ်လာခဲ့ပါတယ်။ ဒီ့မတိုင်ခင် ဂျပန်နိုင်ငံရဲ့ ပါလီမန်ဒီမိုကရေစီမှာ လစ်ဘရယ် ဒီမိုကရက်တစ်ပါတီ (LDP) က အာဏာကြီးစိုးလာခဲ့တာ လွန်ခဲ့တဲ့ ရာစုနှစ် တဝက်နီးပါးခန့် ရှိခဲ့ပါတယ်။ လစ်ဘရယ်ဒီမိုကရက်တစ်ပါတီ (LDP) အပေါ် လူကြိုက်နည်းလာမှု၊ တိုင်းပြည် စီးပွားရေး ကျဆင်းနေမှုနဲ့ နိုင်ငံရေးအပေါ် ပြည်သူလူထုရဲ့ မကျေနပ်မှုတွေ တိုးပွားလာမှု စတာ တွေကြောင့် အတိုက်အခံပါတီအတွက် အခွင့်အလမ်း ပွင့်သွားခဲ့တာပါ။ ၂ဝဝ၇ ရွေးကောက်ပွဲ မှာကတည်းက ဒီမိုကရက်တစ်ပါတီက ဒိုင်းယက် Diet (parliament) ရဲ့ အထက်လွှတ်တော်မှာ အများစုနေရာကို ရထားခဲ့ပါတယ်။ အဲ့ဒီအချိန်ကစလို့ ဒီမိုကရက်တစ်ပါတီကို အလားအလာ ရှိတယ်လို့ မြင်နေကြပါပြီ။ ဒီလို ဂျပန်နိုင်ငံရေးအလှည့်အပြောင်းက အမေရိကန်-ဂျပန် မဟာမိတ်ဆက်ဆံရေးအပေါ် သက်ရောက်မှုတွေ ဖြစ်လာနိုင်ပါတယ်။ အထူးသဖြင့် လုံခြုံရေး ဆိုင်ရာကိစ္စတွေမှာ ဖြစ်ပါတယ်။ ဝါရှင်တန်အနေနဲ့ သူ့ရဲ့ စစ်ရေး၊ စီးပွားရေးနဲ့ နိုင်ငံရေးမှာ အဓိက မဟာမိတ်ဖြစ်တဲ့ ဂျပန်ဟာ ဒေသတွင်းအမေရိကန်နိုင်ငံခြားရေးပေါ်လစီရဲ့ အရေးပါတဲ့ အခြေခံဖြစ်တယ်လို့ မကြာခဏ ဖေါ်ပြနေခဲ့တာပါ။ ဒါကြောင့် အခုလို အပြောင်းအလဲမှာ ဝါရှင်တန်အနေနဲ့ သူ့ရဲ့ ဂျပန်နဲ့ဆက်ဆံရေးပုံစံကိုလည်း ပြောင်းလဲရလိမ့်မယ်လို့ လေ့လာ သုံးသပ်သူတွေက ပြောနေကြပါတယ်။
Read more »
Filed under: ဂျာနယ်, အမှတ် (၄) | Leave a Comment »
Posted on November 15, 2009 by ahlinyanant
ရဲနွယ်မိုး
ကမ္ဘာ့ဇာတ်ခုံမှာ အင်ဒိုနီးရှားရဲ့ တမူထူးတဲ့ အပြောင်းအလဲ အချိုးအကွေ့တွေကို မော်ဒယ်တစ်မျိုးလို့ ယူဆကြပါတယ်။ အဓိကအချက်က အာဏာရှင်နိုင်ငံများ ခြေမကိုင်မိ လက် မကိုင်မိနဲ့ ထွက်ပေါက်ပိတ်လာတဲ့အခါ အင်ဒိုနီးရှားပုံစံကို လေ့လာသလိုလို၊ အတုခိုးရမလိုလို။
နောက်ကြောင်း ခဏပြန်လိုက်ကြရအောင်။ အင်ဒိုနီးရှားကို ဒုတိယကမ္ဘာစစ် အပြီးကစလို့ သမတဆူကာနိုက ဦးဆောင်ပါတယ်။ တိုင်းပြည်အကျိုးစီးပွား ကာကွယ်လွန်းလို့ ဆူကာနိုနဲ့ ချမ်းသာတဲ့နိုင်ငံကြီးများ လုံးဝမတည့်ရေးချ မတည့်။ နိုင်ငံပိုင်သိမ်းပြီး ဆင်းရဲသားတွေကို ဓနပြန်ခွဲဝေဖို့ ကြိုးစားတဲ့ ‘ရော်ဘင်ဟု’စတိုင် ဆိုရှယ်လစ်စနစ်။ နိုင်ငံတကာငွေကြေး ရန်ပုံငွေအဖွဲ့ အိုင်အမ်အက်ဖ်နဲ့ ကမ္ဘာ့ဘဏ်တို့ကို အနောက်အကျိုးစီးပွားလက်ဝေခံတွေလို့ ပစ်ပစ်နှစ်နှစ်စွပ်စွဲ ငြင်းပယ်ထားသူ။
ဆူကာနိုဟာ မျိုးချစ်အမျိုးသားရေးဝါဒီတစ်ယောက်ပါ။ ကွန်မြူနစ်မဟုတ်ပေမယ့် တက်ကြွသူအဖွဲ့ဝင်သုံးသန်းကျော်ရှိတဲ့ ကွန်မြူနစ်ပါတီနဲ့ တွဲအလုပ်လုပ်နေသူ။ ဒီတော့ အမေရိကန်နဲ့ ဗြိတိသျှအစိုးရတွေက ဆူကာနိုအုပ်ချုပ်ရေး အဆုံးသတ်ပစ်ဖို့ ဆုံးဖြတ်ထားပါပြီ။ အခြေအနေအခွင့်အလမ်း သာရင်သာသလို ဆူကာနိုကို ကိစ္စတုံးအောင် သုတ်သင်ပစ်ဖို့ စီအိုင်အေကို အထက်ပုဂ္ဂိုလ်များက ညွှန်ကြားထားပြီပေါ့။
အစဦး လုပ်ကြံဖို့ ကြိုးစားမှုတွေက အိုးနင်းခွက်နင်း အမှားမှားအယွင်းယွင်းနဲ့။ ၁၉၆၅ ခုနှစ် အောက်တိုဘာမှာတော့ တကယ့်အခွင့်အလမ်းက ပေါ်လာပြီ။ စီအိုင်အေကြိုးကိုင်ထားတဲ့ ဗိုလ်ချုပ်ကြီးဆူဟာတိုက အာဏာသိမ်းဖို့ စလုပ်ပြီး လက်ဝဲအုပ်စုကို အပြတ်ရှင်းပစ်ဖို့ ဒုံးဆိုင်း ထွက်လာပါတယ်။ အဓိကကျတဲ့ လက်ဝဲခေါင်းဆောင်များစာရင်းကို စီအိုင်အေက လျှို့ဝှက်ဖိုင် ပြုစုပြီး၊ ဆူဟာတိုလက်ထဲ အပ်လိုက်ပါတယ်။
Read more »
Filed under: ဂျာနယ်, အမှတ် (၄) | Leave a Comment »
Posted on November 15, 2009 by ahlinyanant
ဇော်မြင့်ကျော်
နိုင်ငံရေးရောစွက်တဲ့ဘာသာရေး ထကြွလာမှုအကြောင်း၊ ကွန်မြူနစ်လွန် ဂလိုဘယ်လိုက်ဇေးရှင်းအကြောင်းနဲ့ မော်ဒန်ခေတ်ကို ခုတ်မောင်းနေတဲ့ ‘လေဆယ်ဖဲယား’ စီးပွားရေးအကြောင်းတွေ နားလည်ချင်ရင် ထွေလီကာလီတွေနဲ့ ခေါင်းခြောက်ခံမနေပါနဲ့။ ကမ္ဘာ တခွင် ပြဲပြဲစင်အောင် ပြောင်းလဲစေခဲ့တဲ့ ၁၉၇၉ နဲ့ ၁၉၈၉ ခုနှစ်ရဲ့ ဖြစ်ရပ်တွေကိုပဲ ပြန်ပြောင်း စဉ်းစားကြည့်ပါ။
၁၉၇၉ ခုနှစ်ဟာ နိုင်ငံတကာရေးရာမှာ ထူးခြားတဲ့ သမိုင်းစာမျက်နှာသစ် ဖွင့်လှစ် နိုင်တဲ့နှစ်ပါ။ အီရန်မှာ ရှားဘုရင်ကိုဖြုတ်ချပြီး အယာတိုလာခိုမေနီ အာဏာရလာတဲ့နောက် ကမ္ဘာ့အစ္စလာမ်တော်လှန်ရေးအခင်းအကျင်း တခွင်လုံး ပြောင်းလဲစေတဲ့နှစ်။ ဆိုဗီယက်ယူနီယံက အာဖဂနစ္စတန် ရေသေချောင်းထဲ ကျုးကျော်ဝင်ရောက်ပြီး ကြမ္မာငင်ခြင်းက ကွန်မြူနစ်အင်ပါယာ သေတွင်းတူးဖို့ စခဲ့တဲ့နှစ်။
ဝန်ကြီးချုပ် မာဂရက်သက်ချာက ဗြိတိသျှကွန်ဆာဗေးတစ်အုပ်စုကို ကြွစောင်းစောင်း ဖြစ်အောင် ပင့်ပေးခဲ့တဲ့နှစ်။ မာဂရက်သက်ချာရဲ့ သြဇာက အနောက်နိုင်ငံရေးမှာ အပြောင်းအလဲတွေဖြစ်စေရုံမျှမက၊ နောက်ဆက် ဈေးကွက်ဂလိုဘယ်လိုက်ဇေးရှင်းကို ပုံဖေါ် ပေးနိုင်ခဲ့ပါတယ်။
ပုပ်ရဟန်းမင်းကြီး ဂျွန်ပေါလ်(၂)ရဲ့ ၁၉၇၉ ခုနှစ် နွေရာသီ ပိုလန်အိမ်အပြန် သာသနာပြုခရီးက အရှေ့ဥရောပနဲ့ ဗဟိုဥရောပမှာ ၁၉၈၉ အထိ ဆက်တိုက်ဆိုသလို အကြမ်းမဖက်လှုပ်ရှားမှုတွေနဲ့ ဒီမိုကရေစီအကူးအပြောင်းတွေ ပေါ်ထွက်စေခဲ့တယ်။ ၁၉၇၉ မှာပဲ တိန့်ရှောင်ပင်းက ကွန်မြူနစ်တရုတ်ပြည် ကမ္ဘာ့ဈေးကွက်ထဲဝင်ဖို့ ပထမဆုံး ခြေလှမ်းတွေ စလှမ်းခဲ့တဲ့ နှစ်ဖြစ်ပါတယ်။
Read more »
Filed under: ဂျာနယ်, အမှတ် (၄) | Leave a Comment »
Posted on November 15, 2009 by ahlinyanant
သိုက်နိုင်ဝင်း
စကားချီး
ယခုစာစု၏ အကျဉ်းဆိုလိုရင်းမှာ ဒီမိုကရက်တစ် အင်စတီကျုးရှင်းများကို လွယ်လွယ် ကူကူ တည်ဆောက်၍ မရနိုင်။ လူမှုရေးနှင့် ယဉ်ကျေးမှုနောက်ခံအနေအထား အခင်းအကျင်း ကောင်းများ တည်ရှိမှသာ ဖြစ်ထွန်းနိုင်သည်ဟု ဆိုပါသည်။ သို့နှင့်တိုင် စီးပွားရေး ဖွံ့ဖြိုးမှုနှင့် မော်ဒန်နိုက်ဇေးရှင်းက ထိုအင်စတီကျုးရှင်းအခြေခံများ လမ်းကြောင်းမှန်သို့ ရောက်အောင် တွန်းပို့ပေးပြီး၊ ဒီမိုကရေစီစနစ်သည်လည်း တိုးတက်အလုပ်ဖြစ်လာနိုင်မည်ဟု ဆိုပါသည်။
မစ်ချီဂန်တက္ကသိုလ် နိုင်ငံရေးသိပ္ပံပါမောက္ခ Ronald Ingle Hart နှင့် ဂျာမန်နိုင်ငံရေးသိပ္ပံ ပါမောက္ခ Christian Wetzel တို့နှစ်ဦး၏ ဖွံ့ဖြိုးမှုဆိုင်ရာ စစ်တမ်းကောက်ယူချက် များအပေါ် အခြေပြုရေးသားသည့် ‘Modernization, Cultural Change and Democracy’ စာအုပ်မှ ထုတ်နုတ် ဖော်ပြပါသည်။
Read more »
Filed under: ဂျာနယ်, အမှတ် (၄) | Leave a Comment »
Posted on November 15, 2009 by ahlinyanant
ဝင်းမြင့်မောင်
၂ဝ ရာစု အဆုံးမသတ်မီကာလဟာ ဒီမိုကရေစီကို အောင်ပန်းဆင်နိုင်ခဲ့ချိန်များ ဖြစ်ပါ တယ်။ ဒီမိုကရက်တစ်အိုင်ဒီယာ၊ ဒီမိုကရက်တစ် အင်စတီကျူးရှင်းတွေရဲ့ ခရီးပေါက်ခဲ့ကြပုံတွေကြောင့် လူ့သမိုင်းရဲ့ ဒီမိုကရေစီဖြစ်စဉ်မှာ အမြိုင်ဆိုင်ဆုံးအချိန်လို့တောင် ပြောလို့ရပါတယ်။
သို့သော် ၂ဝ ရာစုရဲ့ ဒီမိုကရေစီခရီးစဉ်ဟာ လွယ်လွယ်ကူကူမဟုတ်ဘဲ၊ အကြောင်းမလှ အရေးနိမ့်ခဲ့ရမှုတွေ အဖြစ်ဆုံးကာလလည်း ဖြစ်ပါတယ်။ နိုင်ငံတွေဟာ ဒီမိုကရေစီကို တည်ထောင်ဖို့ လုံးပမ်းရင်း ပြိုလဲသွားရတဲ့ အကြိမ်ပေါင်းက (၇ဝ)ထက်မနည်း ရှိခဲ့ပါတယ်။ အာဏာရှင်တပိုင်း အစိုးရပုံစံတွေလက်ထဲ အာဏာသက်ဆင်းသွားခဲ့တယ်။
ဒီနေရာမှာ မေးခွန်းနှစ်ခု ဖြစ်လာတယ်။ ကမ္ဘာအနှံ့အပြားက တိုင်းပြည်တွေရဲ့ ဒီမို ကရက်တစ် အင်စတီကျူး တည်ဆောက်ကြပုံတွေကို ဘယ်လို ရှင်းပြကြမလဲ။ ပြီးတော့ ဒီမို ကရက်တစ် အင်စတီကျူးရှင်းတွေ တည်ဆောက်ရင်းနဲ့ ဈန်လျှော အရေးနိမ့်တာတွေကိုကော ဘယ်လို သင်ခန်းစာယူနိုင်ကြမလဲ ဆိုတာတွေပါပဲ။ အပြည့်အစုံ ရှင်းမပြနိုင်ပေမယ့်၊ ဆက်စပ် ခြေရာကောက်ကြည့်သင့်ပါတယ်။
Read more »
Filed under: ဂျာနယ်, အမှတ် (၄) | Leave a Comment »
Posted on November 15, 2009 by ahlinyanant
ဇော်ဇော်ထွန်း
လွတ်လပ်ပွင့်လင်းပြီး ပြိုင်ဆိုင်မှုရှိသော ဒီမိုကရက်တစ်နိုင်ငံရေးစနစ်တွင် ခိုင်မာ အားကောင်းသည့် နိုင်ငံရေးပါတီများ တည်ရှိရန် လိုအပ်သည်။ အဆိုပါ နိုင်ငံရေးပါတီများသည် ရပ်တည်ရှင်သန်ရေး၊ ယှဉ်ပြိုင်နိုင်ရေးနှင့် ဒီမိုကရက်တစ်လုပ်ငန်းများ အကောင်အထည်ဖေါ် ဆောင်ရွက်ရေးတို့အတွက် ပါတီရံပုံငွေများ ရှိရန်လည်း လိုအပ်သည်။ သို့သော် ယင်းသို့ နိုင်ငံရေးရံပုံငွေများနှင့် ရံပုံငွေထည့်ဝင်သူများ၊ သုံးစွဲသူများနှင့်ပတ်သက်၍မူ ပြဿနာနယ်ပယ် အဖြစ် ရှုမြင်လေ့ရှိကြသည်။ တချို့အခြေအနေများတွင် ဒီမိုကရေစီအတွက် အန္တရာယ်ဟုပင် ဆိုလေ့ရှိသည်။ နိုင်ငံရေးပါတီများအနေဖြင့် ရံပုံငွေကို မည်သို့ ရှာဖွေစုဆောင်းသင့်သည် ဆိုသည့် ကြောင်းချင်းရာနှင့်ပတ်သက်၍လည်းကောင်း၊ ရံပုံငွေထည့်ဝင်ခြင်း၊ သုံးစွဲခြင်း၊ အများပြည်သူသို့ ရှင်းတမ်းထုတ်ပြန်ခြင်း စသည်တို့ဆိုင်ရာ ဥပဒေစည်းမျဉ်းများ ချမှတ်ရေးနှင့်ပတ်သက်၍ လည်း ကောင်း အားလုံးသဘောတူလက်ခံနိုင်သည့် ပုံစံမျိုး မရှိသေးပေ။ မည်သို့ပင်ဆိုစေ နိုင်ငံရေး ရံပုံငွေဆိုင်ရာမူဝါဒများ၊ ဥပဒေ စည်းမျဉ်းစည်းကမ်းများက သက်ဆိုင်ရာနိုင်ငံများရှိ နိုင်ငံရေး ပါတီများနှင့် ဒီမိုကရေစီ ရှင်သန်ဖွံ့ဖြိုးရေးကို သက်ရောက်မှု ရှိနေကြသည်။ ပါတီများ၏ ရံပုံငွေ ထည့်ဝင်ခြင်း၊ ရှာဖွေခြင်း၊ သုံးစွဲခြင်း၊ ရှင်းတမ်းထုတ်ပြန်ခြင်းတို့နှင့် ပတ်သက်သည့် စည်းမျဉ်း စည်းကမ်းများမှာ ဒီမိုကရေစီအရည်အသွေးနှင့် ဒီမိုကရေစီတည်တံ့ခိုင်မြဲရေးဖြစ်စဉ်တို့အပေါ် သက်ရောက်မှုများစွာ ရှိသည်။ ထို့ကြောင့် ဒီမိုကရက်တစ်နိုင်ငံရေးစနစ်တွင် ခိုင်မာအားကောင်း သည့် နိုင်ငံရေးပါတီများရှိရန် လိုအပ်သည်နှင့်အညီ နိုင်ငံရေးပါတီများအတွက် နိုင်ငံရေးရံပုံငွေ ဆိုင်ရာ မူဝါဒများ စည်းမျဉ်းစည်ကမ်းများ သတ်မှတ်ပြဌာန်းထားရန်လည်း လိုအပ်သည်။
Read more »
Filed under: ဂျာနယ်, အမှတ် (၄) | Leave a Comment »
Posted on November 15, 2009 by ahlinyanant
နော်ဇိုး
နိုင်ငံရေးပါတီ၏ အစကနဦး
နိုင်ငံရေးပါတီများအဖြစ် စတင်ပေါ်ထွန်းချိန်က ၄င်းတို့ကို လူတစ်ဦးချင်းစီ၏ အကျိုး စီးပွားများအား ဖုံးလွှမ်းသွားမည့် သို့မဟုတ် အများစု၏ အကျိုးစီးပွားများအား ခြိမ်းခြောက်မှု တစ်ရပ်အဖြစ် မှတ်ယူခဲ့ကြသည်။ ယင်းသို့ မှတ်ယူမှုများအရ နိုင်ငံရေးပါတီများ တည်ရှိမှုသည် ဂျွန်လော့ခ်၏ နိုင်ငံရေးဒဿနတွင် အခြေခံသော လစ်ဘရယ်ဒီမိုကရေစီအစဉ်အလာနှင့် သော်လည်းကောင်း၊ ရူဆိုး၏ ဒီမိုကရေစီသဘောတရားအခြေခံများနှင့်သော်လည်းကောင်း ဆန့်ကျင်ကွဲလွဲနေသည်ဟု ဆိုကြသည်။ အဆိုပါ အနောက်ဥရောပ ရှေးရိုးအစဉ်အလာ လစ်ဘရယ် အတွေးအခေါ်များက ထိုအချိန်ကာလ (၁၉ရာစုအလယ်အထိ တည်ရှိခဲ့ကြသော) နိုင်ငံရေးပါတီများအား စေတနာ့ဝန်ထမ်းပုဂ္ဂလိကအစည်းအရုံးများ voluntary private associations အဖြစ်သာ သတ်မှတ်ထားခဲ့ကြသောကြောင့် ဖြစ်သည်။
ဂျာမန်လူမှုရေးသိပ္ပံပညာရှင် မက်က်စ်ဝက်ဘာ ၏ လေ့လာတင်ပြချက်အရ နိုင်ငံရေး ပါတီများမှာ ပေါ်ထွန်းစကာလ၌ အထက်တန်းလွှာလူကုံထံများ၏ အစုအဝေးဆိုသည့် ပုံသဏ္ဍာန်ထက် မပိုခဲ့။ သို့သော် နောက်ပိုင်းတွင် လူထုဒီမိုကရေစီအယူအဆ Mass Democracy ရှေ့တန်းရောက်လာမှုနှင့်အတူ နိုင်ငံတော်နှင့် ပြည်သူတစ်ဦးချင်းစီအကြား တိုက်ရိုက် ဆက်သွယ်ရန် လက်တွေ့အရ မဖြစ်နိုင်သည့်အခြေအနေတွင် နိုင်ငံရေးပါတီများ၏ တည်ရှိမှုမှာ နိုင်ငံတော်နှင့် နိုင်ငံသားပြည်သူတို့အကြား ကြားခံဆက်စပ်သည့် အဆောက်အအုံများအဖြစ် တရားဝင်မှု ဖြစ်လာခဲ့သည်။ သို့ဖြစ်ရာ လူထုဒီမိုကရေစီပေါ်ထွန်းလာမှုကြောင့် ခိုင်မာ အားကောင်းသည့် အမြဲတမ်းအဖွဲ့အစည်းပုံသဏ္ဍာန်အဖြစ် နိုင်ငံရေးပါတီပုံစံသစ် ဖြစ်ပေါ် လာခဲ့သည်ဟု မက်က်စ်ဝက်ဘာ က တင်ပြခဲ့သည်။
Read more »
Filed under: ဂျာနယ်, အမှတ် (၄) | Leave a Comment »
Posted on November 15, 2009 by ahlinyanant
အယ်ဒီတာ့တင်ပြချက်
နိုင်ငံရေးပါတီတွေရဲ့ ပင်ကိုယ်သဘောနဲ့ ဒီမိုကရေစီကျင့်သုံးမှုပုံစံအမျိုးမျိုးတို့အကြား ဆက်နွယ်မှုသမိုင်းကို လေ့လာတဲ့အခါ ဒီမိုကရေစီစနစ်မှာ မရှိမဖြစ်လိုအပ်တဲ့ နိုင်ငံရေး အဆောက်အအုံတွေအဖြစ် နိုင်ငံရေးပါတီတွေကို လက်ခံအသိအမှတ်ပြုကြတာကို တွေ့ရတယ်။ နိုင်ငံရေးပါတီတွေ ပေါ်ထွန်းစ အစောပိုင်းကာလတွေမှာတော့ သူတို့ကို စေတနာ့ဝန်ထမ်း ပုဂ္ဂလိကအစည်းအရုံးတွေ voluntary private associations အဖြစ် သတ်မှတ်ခဲ့ကြတယ်။ ဒါပေမယ့်လည်း နောက်ပိုင်းမှာ ဒီမိုကရေစီအတွက် လိုအပ်တဲ့ အများပြည်သူသုံး အဆောက် အအုံတွေ public utility အဖြစ် ပြောင်းလဲ လက်ခံလာခဲ့ကြတယ်။ ဒီအချက်ကို မကြာခင်က ဖြစ်ပေါ်ခဲ့ကြတဲ့ ဒီမိုကရေစီအသွင်ကူးပြောင်းကြတဲ့ လက်တွေ့ဖြစ်စဉ်တွေက သက်သေပြနေ ပါတယ်။
လွန်ခဲ့တဲ့ ရာစုနှစ်တဝက်ကျော်က ပညာရှင်တစ်ဦးရဲ့ ထင်ရှားခဲ့တဲ့ အဆိုတစ်ရပ် ရှိတယ်။ “နိုင်ငံရေးပါတီတွေက ဒီမိုကရေစီကို ဖန်တီးခဲ့ကြပြီး၊ ခေတ်သစ်ဒီမိုကရေစီစနစ် ဟာလည်း နိုင်ငံရေးပါတီတွေကြောင့် ရှင်သန်နေကြတယ်” လို့ အဲ့ဒီပညာရှင်က တင်ပြခဲ့တယ်။ ဒီမိုကရေစီစနစ်မှာ နိုင်ငံရေးပါတီတွေဟာ သော့ချက်ကျမှုရှိတယ်ဆိုတဲ့ အဲ့ဒီအယူအဆကို အခြားခေတ်ပြိုင်ပညာရှင်တွေကလည်း လက်ခံခဲ့ကြတယ်။ အသစ်ပေါ်ထွန်းစ ဒီမိုကရေစီနိုင်ငံ တွေရဲ့ဖွံ့ဖြိုးတိုးတက်ရေး မူဝါဒရေးဆွဲသူတွေ၊ ဒီမိုကရေစီ ခိုင်မာတည်တံ့ရေး ကြိုးပမ်းနေတဲ့ နိုင်ငံတွေက မူဝါဒရေးဆွဲသူတွေကလည်း သဘောတူခဲ့ကြတယ်။ လက်တွေ့မှာလည်း ဒီမို ကရေစီ အခြေခိုင်နေပြီးဖြစ်တဲ့ နိုင်ငံတွေမှာ နိုင်ငံရေးပါတီတွေဟာ မဖြစ်မနေ ရှိရမယ့် နိုင်ငံရေး အဆောက်အအုံတွေအဖြစ် နက်နက်ရှိုင်းရှိုင်း အမြစ်တွယ်နေပြီးဖြစ်သလို၊ အရှေ့ဥရောပနှင့် ကမ္ဘာ့အခြားဒေသတွေက ဖြစ်ထွန်းစဒီမိုကရေစီနိုင်ငံတွေမှာလည်း ဒီမိုကရေစီ လူမှုအဆောက် အအုံ ဖွဲ့စည်းတည်ဆောက်ရေးနဲ့ ဗဟုနိုင်ငံရေးစနစ် political pluralism ဖေါ်ထုတ်ရေး အတွက် မရှိမဖြစ်လိုအပ်ချက်တစ်ရပ်အဖြစ် လက်ခံကြတာကို တွေ့ရတယ်။
Read more »
Filed under: ဂျာနယ်, အမှတ် (၄) | Leave a Comment »
